ATHARRAZTARRAK

                I

A zer alagrantzia Atharratzen egün

Zeren herri huntako hiru gazte lagün

Pilotan jelkhi dira Frantziako txapeldün

Bihotzaren erditik uhura ditzagün

Zeren bekhan beitira holako plaserak

Kostümatürik ginen erresiñatzera

Oldar gaitzian dira «Atharraztarrak»

                II

Diala berrogei urthe segürki Atharratzen

Pilota jokü ederra haur eskasttobat zen

Nurat nahi juranik güntien zaflatzen

Eskual-herri güzian trixteki berhezten

Bena ez da zeditzen, ez Xiberotarra

Aintzindare zunbaitek phiztürik sükharra

Ordüntik sorthürik da: «Atharraztarrak»

                III

Haur ttipitto hori da geroztik handitü

Bide handia gaiñtik trostakaz duazü

Zuiñ ordüz balinbada iza thebükatü

Phatarrik gastuenak igaranik dütü

Indarretan dirade gazt' eta zaharrak

Jokülari saldo bat egiazki izarrak

Osagarritan dügü «Atharraztarrak»

                IV

Uhure Atharratze herri xarmantari

Zuretzat egina düt azken berset hori

Segi dezagün bethi gazteria eder hori

Aitzina izan dadin hanitx pilotari

Lagünt itzatzü haurrak gogotik plazarrat

Edüki dezen gora lehoinen bandera

Erie phartetik diot: «Biba Atharraztarrak»

Nabarra, Bouillon eta Hastoy Dominika

Atharraztarrak, Frantziako

txapeldün yoko-garbi-an

© Etxahun-Iruri