PARIS-EKO MASKADEN UHURETAN

                I

Paris-en bagira egün

Plaza huntan zumait ehün

Askazi eta ezagün (arra har)

Eskual-Herriko bander' eijerra denek uhura dezagün

Hura dükegüno lagün

Izanen gira fededün

Eta bethikoz Eskualdün

                II

Bortxatin niz aithortzera

Behar da jin Paris-era

Solaz eder ikhustera

Falta izana gatik bortiak eta itxaso bazterra

Ez gitin plañit sobera

Jüntatüz algarretara

Bizi beikir' alagera

                III

Paris-en Eskual-Etxia

Badügü pare gabia

Eskualduñen axolbia

Irus denarek han kausitzen dü plaser din boztariua

Ta phena dion gaixuak

Merexi kontsoliua

Biek batzarri goxua

                        Eginik Paris-eko maskadentako 1956-eko maiatzaren 24-ian.

                        Ahaidia: «Ai hori toki maitea...».

© Etxahun-Iruri