LIGIKO KHANTORIA

                I

Ezinago eder da üda bethin bortia

Eta partikülarzki zohardi batekilan

Goizian ezagütü dit harat bürüz juraitian

Herri xuri goxo bat Xiberuko lilia

                II

Herri xarmant hori da bortüz üngüratürik

Ligi deitzen da eta orotan famatürik

Izana gatik heltzeko bidia den bühürrik

Han irus bizi dira ez hor ükhen beldürrik

                III

Ligiko ühaitzian arrai%a hanitx fina

Bena eskietatzeko ezinago malina

Horen gatik Ligiarrek badie aski konbina

Truieta franko jaten die herri aizuek txardina

                IV

Larrazkenin ürzuak goizik dira phausatzen

Ligiko haitxtoietan laket dira bazkatzen

Ihizlariek atzamanak ostatietan gozatzen

Idi elibat bezala nulaxek gerrikatzen

                V

Ligin laket dirade zer nahi jokietan

Hor üsü igante da asteko egünetan

Hur kiroletan igexka uheitz erremulietan

Bai edo süzko orgetan zunpakan botxietan

                VI

Egünko jei ederrak gütü hunat ekharri

Beganakian bazela herri huntan batzarri

Ligiar eta Ligiarser ez düt erran beharrik

Desiratzen degüla bake eta osagarri

                        Eginik «Berterretx» phastualarentako, Ligin, dila hamar bat urthe.

© Etxahun-Iruri