LIXANTZUKO JAUN APHEZARI

                I

Badü hogei ta hamalaur urthe Jaun Erretora jin zinen

Erretorgia hunen zerbütxari zure destinia beitzen

Zure botz sano argitiari beha hanitx laket ginen

Posible deia gure artetik orai zirela phartitzen

                II

Zure deseiña bethi izan da Parropianten artian

Bake hun baten aholkatzia bizi gintin akortian

Zure argia ere izan da xede hun bat gurekilan

Batheiüko lehen ürhatsetan eta hiltzeko orenian

                III

Bena denborak ez dü pharkatzen adinarek phekü franko

Güzier ekharten beitereikü aisa dügü sinhetsiko

Düdarik gabe juraiten zira ixtant batez phausatzeko

Ez adiorik berriz artino ez zütügü ahatzeko

                        Ahaidia: «Beltxaren beltxa»

                        Khantatürik izan zen Garicoix Lichantzü-ko

                        Jaun Aphezaren uhuretan 1957 urthian, urrieta hilabetin.

© Etxahun-Iruri