MARXE EIHARTXET ZENARI

                I

Bizia llabür hiltzia segür hortzaz ez gira düdatzen

Denek beitakigü heriuak nihur ez diala pharkhatzen

Urthe bat badük Marxe hintzala gure artetik itzaltzen

Denbora baduak hargatik heben ez haigü ahazten

                Errepika

Beha gitzagük Zelietarik khantan O gaixo Marx' zena

Fidelki etxekitzen diagü gük hire orhitzapena

                Gük hire orhitzapena

                II

Behar izan dik zorthe trixte bat gaitz izigarri batekin

Hire gütarik beherzteko hire adinik hobenin

Hairî hintzan irus et' alagera hire familiarekin

Hire Barkoxen, hire Xiberun, haiñ beste lagünen artin

                III

Hire gogua gazte gaztetik izan dük pare gabeko

Gure eüskualdün jei zaharren ahal oroz altxatzeko

Pastualkari khantari huna izar bat hintzan dantzako

Eta kunpaña agradablia mando ororen arteko

                IV

Arbolarik den baliusenak denbora bat baizik ez do

Hari arimü lanthare gazte lantha izateko frütü

Ez dut düdarik Barkoxtarrek hitan hartürik etsenplü

Aitzina hik hasi sall hori nahi dükien segitü

                V

Adios arren Marx' üzten haigü hizan bake ederrian

Jaunak haitatü din lekhian arauz zelüko glorian

Hantik othoitze egin dizagük bethikoz izan gitian

Eskualdün xühar hintzan bezala haiñ maite hin sor lekhian

                        Lehentze khantatürik Barkoxeko plazan

                        Marxe Eihartxet zenaren orhitzapenetan

                        1957 urthian agorrilan 11-an.

© Etxahun-Iruri