IHIZLARI OKHERRA

                I

Ihizlaria goraita da lehen ürzo pasajian

Kabanan postatürik edo bestelan kurri mendian

Utzültzian oro espanto ürzo franko jibezian

Zunbaiten erran nahi beitü denak utzirik aidian

                II

Ofiziua arauz hun dela behar dügü ezagütü

Argitüz geroz gizun güti kharrikan beita zahartü

Arratsa jin denian gero nahi lükianak khuntü

Erdiek ere ez dükie pholboaren saria kitatü

                III

Hargatik ez phentsa badeba oroton bardin okherrik

Nik, süjet hori aiphatzen düt ikhusik bat haietarik

Ixtoria khunta bainio zier gomendatüz aski

Ez dezazien erririk egin bera so datekilarik

                IV

Sasuian entzün dianian lehen tirua phartitzen

Kartuxaz ditü gerrikua eta xakolak bethatzen

Ez uste ükhen gure Pierra arhinzki dela plantatzen

Herri güzian ez da bestebat hori ahal denik partzen

                V

Arma bat badü kasi berririk segürki bi kanutako

Eta txakür bat mila hezirik kolpatien ekharteko

Müseta ere hei bat nasari hanitxeren edeitekao

Ez dü kaxketa baizik falta gradian kunplet izateko

                VI

Egün batez mendi gai erat juranik argi azkorrian

Hatsalbotürik jarri zaikü haritz handi baten khantian

Urzuak saldoka agurrez horen jeikazi nahian

Bego lehenik hats jartzera gero liberti gitian

                VII

Orzo malin bat phauzatzen zaio delako haritxan gainían

Jeik-eta laster thiratzen deitzo bi tiro aide hunian

Segürtatürik egotxi ziala batan ez bazen bestian

Zer ikhusten dü? bere ürzua goxoki ber adarrian

                VIII

        Ürzua

A! Pierra Pierra hi hintzana bezküra bat nian ikhusten

Arrimatü nük so egitera ustez ünkhü morrot bat zen

Bi xalapasta bogatü ditiat saihetsetarik pasatzen

Kunprenitü diat ez niala jitarik deüse arixkatzen

                IX

Ihize maradikatia arauz gogor dük larria

Bi banbarrat igorri dereitzat ene uste orotan propiak

Ez zitadak hanitx estranje ihize gabe juraitia

Bena bidian ikhus ez nezen bego jitera ülhüntzia

                X

        Ürzua

Pierra gaixua bahin deseiña ene untsa baliatzeko

Izerdi hun bat egotxi dük ürzo gabe ützültzeko

So egik mentüraz Agerraberrek badik parebat saltzeko

Museta garnitüren deie ihizteka denborako

                XI

Herri güzian Pierrarentako o zer ihizlaria den

Ardüra bere ürzo paria kharrikalat dû iraxten

Berak diote hasirik dela ber platetik satisfatzen

Beldür niz berak atzamenek ez deien gaitzik egiten

                XII

Erran zaharra ihizlaria bethiz geroz bardin praube

Bena hori aberastü da, nulaz erran benioke

Agitü betzaio pasajez gü bezalako ihize

Jakin ükhen dû untsa thiratzen banbarratik egin gabe

                        Agerraber Xiberokua ihizlari famatia zan.

                        Khantore hau xuxen thiratürik da

                        kartieleko ihizlari okher bati bürüz.

© Etxahun-Iruri