SOR LEKHIA DIZÜT MAULE

                I

Sor lekhia dizüt Maule

Eta irus bizi niz han

Afekzionerik hobenin

Espusa eta haurrekilan

En' aita et' ama orano bixkor

Beren adin ederrian

Posible deia izatia

Irus ago mündü huntan

                II

Ene ait' et' ama maitik

Adinak zütie markatü

Nahiz eta ziren semer

Ogia untsa segürtatü

Phenatü zidie herîbat pribatü

Ben' ez sekülan etsitü

Ordaritzat nahi deiziegü

Zahar denbora eztitü

                III

Ene espusa zü zira

Etxen behar nin izarra

Ümila eta nulaxek

Eraikitzen gure haurrak

Zer zorthe hunak gidatü nündin

Zure hunat bilaztera

Errekunpentsa nitan baduzü

Merexi düzün senharra

                IV

Haur goxuk handi zitaie

Ait' et' amen itzalian

Hek erakutsi bezala

Unest eta mudest izan

Zorthiak ezar bazentzaie

Etxetik hürrün lanian

Ziren haidürü girateke

Bethi Maulen sor lekhian

                        Eginik dila hiru-laur urthe Jean

                        Lougarot-en eta bere familiarentako.

© Etxahun-Iruri