«XIBERUKO MIRALLA»

                I

Lehen argi leñhuria agertü da kanpun

Ollarra kükürrûkaz ari da barriun

Agur adixkidiak Jinkuak egün hun

Othoi erradaziet zer berri Xiberun

                II

Berri hun eta gaxto balizate franko

Aski kuriüs denari heben khuntatzeko

Bena orai badügü eginik hortako

Agerkari berri bat berhez Xiberuko

                III

Denek egin dizogün gogotik batzarri

Amodioz Xiberuko delako mirallari

Eman ditzagün dener sor lekhüko berrik

Eta partikülarzki hürrüneko horik

                IV

Gure aurhide hunak bazter guzietan

Herrokatürik dienak beren aferetan

Holaz badakizie untsa zer dabilan

Xiberuko lürretan bere sor lekhian

                V

«Xiberoko miralla» orai sorthü berri

Egiozü agur bat Orhiko txoriari

Maria Maidalena eta Sant-Antoni

Kuntenterez air zaitzu othoitez Jaunari

                        Eginik 1956 ­ urthian «Xiberuko Miralla»-ren sortziaren uhuretan.

© Etxahun-Iruri