BLANKAREN HILTZIA

Ulhün ñabarra ixil ixila jin da

Bere thenorian, zelütik behera,

Jeloskeriaz Nabarrako gaiz' ederren

Beste mündiari ahalaz gordatzera.

Zoihartzeko txapela zaharrin

Sarthü da Erregiña Blanka;

Hor da belhariko, begiak bustirik,

Jinik Birjinaren behartzera,

Othoi lagünt dezan Kastillanuetarik

Libratzen bethikoz Nabarra.

Aspaldi danik Nabarra eta Kastilla

Aizo dira, bena hozküra bateki;

Nabarr'aberats Kastill'aldiz praubia;

Hartakoz bekhatx da Nabarroaz handizki.

Zunbat aldiz ez zaikü izan

Gaxki giten armadareki!

Birjina Maria begira gitzatzü

Kastillako erregen eskü petik,

Gure erresuma hola egon badin

Eüskaldün orai eta bethi.

                        Eginik «Beretter»-en phastualarentako.

© Etxahun-Iruri