«DE TREVILLE» EN AZKEN HITZAK

                1

Herio latza hüllantzen ari hiz

Dolürik gabe orai nitarat

Othoitzen hait ixtant bat ützi nezak

Ene azken adiuen egitera

                Errepika

Hori bera da denen ixtoria

Heriuak bardintzen handi txipiak

Zeren ilusione bat bera da

Lürren gañeko gure pasajia

                2

Ene jaurregi pare gabekua

Hi altxatüz banian fiertate

Hitan igaran, denbora goxua

Haih llabür nükila ez nian uste

                3

O Basabürü amiragarria

Bortüz eta mendiz üngüratürik

Bostetan begixtatü zütiet

Urgüllürekin terraza huntarik

                4

Adios arren Marie-Maidalena

Zük ingana nezazü lotarik

Ene ondotik baratzen direnez

Izan ez nadiala ahatzerik

                        Eginik «De Tréville»-en phastualarentako,

                        Iruri-ko Jauregian dila urthe zunbait.

© Etxahun-Iruri