AMA

                1

Ai! zer plasera, bost urthen bürian sor lekhilat ützültzia

Ene herria etsitü nian, zure berriz ikhustia

Aski sofritüz nik hanitxetan, desir nükian hiltzia

Ez bazüntüdan haiñ maite ükhen, o Ama Eskual-Herria

                2

Hanitxen gisa phartitü nintzan, etsarian güdükatzera

Gogua bero, bihotza laxü, eta kasik alagera

Ez bainakian, orano ordian, zer zen amaren beharra

Hari phentsa eta biga bostetan, aiher zitazün nigarra.

                3

Erresiñola khantari eijer libertatian denian

Bena trixtüran higatzezdua kaloia baten barnian

Gü ere ama hala guntüzün, tirano haien artian

Zure ametsa kontsolagarri, trixtüra handirenian.

                4

Orhiko txoria da den bezala fidel Orhi bortiari

Üskaldün guziak gütützü, ama zure zerbütxari

Alageraki lehen bezala, egin izagüzü erri

Ikhusten gütüzü othoitzetan zure arbola saintiari.

                5

Sorthü berriak, bere khuñatik, lehen elhia du «ama»

Bere ilusione ederrian, ez dezazüla abandona

Zure amodiuaz egar itzozü bizitze huntako phenak

Begira dezan azken hatsetan, azken hitza zure «Ama»

                        Eginik 1946 urthian, gerlako (1939-1945)

                        presunerak arra jin zielarik, harien uhuretan.

© Etxahun-Iruri