IRUKOITZA
(Terzett, Eichendorff)
ARTZAINAK
Udako goiz-argiak dirdai egitean
odei bat ezt(a) ageri ortzi urdinean.
Ikaraka badator argia pozetan,
galburuak makurtuz gari-alorrean,
eta belaunak auzpez nerau otoitzean.
EIZTARIAK
Ezta inor indartzen eiztari zangarra
lez, aize osasuntsuz; an, amil muskarra ...
arnasik ezin duzu, berak poz bakarra.
Lain(o) ostartetik zear ageri d(a) ibarra,
egaka ozkarbiruntz arrano azkarra.
ARTZAINAK
Eguerdia eltzean erreka-ondoa
itzalpean maite dut, pozaren goxoa:
Zugatzak asots arin, errekak ots loa:
lur zabaletan lotan, surmurka egoa,
lainorik laino, urrun, ametsetan noa.
EIZTARIAK
Ibarra euzkiak io t' ametsez atseden
dadinean, mendian bainaiz geldituren:
urrun, lainoak gorantz dioaz odeien
ertz zear ... zugatz-gainak leun dira makurtzen...
beti berri dirudin otsak dagi ozen.
ARTZAINAK
Urrun tximistak dirdai: abesten kilkerra,
ta lilien azpian neskatil ederra
izketan ataurrean: ots diot alperra
txirular(i), inguruko biotz t' aitz bazterra
iardesten, uda-gaua ezpaita kalderra.
EIZTARIAK
Aranak itzalpean dir(a) aspaldidanik,
ta eguzki-argia badakust menditik.
Sugarretan garraxiz arran(o) oldarturik,
itsasoratzen latsa sutan mozkorturik.
Ene! nork ledukaken orduan egorik.
NESKATILAK
Ibar-zelaietako txirulak iotean,
oian-susmur-turutak ots eragitean
zutik nago auznarka goizeko argitan.
Eztakit nor(i) iarraitu: zuek etortean
badakit ... inortxori ez esango bainan.
© Iokin Zaitegi