BEGIAK
(Les yeux, Sully-Prudhomme)
Urdin ala beltz, guziok eder,
guziok maite,
amaika begik egunabarra
ikusi dute:
ekia sortuz doa oraindik,
ta ilobien barruan aiek
lotan datzate.
Egunak baino eztiagorik
diraden gauek
amaika begi zora dituzte:
bainan izarrek
eten bagean nir-nir dagite
ta begi aiek arturik ditu
itzal ilunek.
Oi! galdu dute begiratzea,
ez, ez orixe,
ezin da ori! Beste norabait
itzul dirade,
ikus-ezina omen deritzan
eskualdera buru-belarri
begira daude.
Izar argiek, sartzerakoan,
gizon ongandik
ald(e) egin arren, iraun ordea
bertan iraunik,
bereonela begi-niniak
itzaltzen dira: ezta egia
ilten diranik.
Urdin ala beltz, guziok maite,
guziok eder,
egun-urratze aundiren bati
begiratuz berr-
iriki dira, lur-ilobien
bestekaldean itxi-begiok
bakuste eskier.
© Iokin Zaitegi