BASA-ZEZENA

 

Koliseu'k(o) ondarretan oldarka dabila

basa-zezen gorria, lurr(a) aztarrikatuz:

adarretan lotuta Lidi neskatila

darabil, erromarrek poz-pozetan oiuz.

 

Bat-batean badoa Urtsu giartsua

zezenaren buruzki: an ziran angoak!

Begietan odola, sudurretan sua,

murrusa egiten du zezenko eroak.

 

Adarretatik elduz, ondarretan zear

kristauaren aztalak barneratuz doaz:

gorputz-giarrak zurrun dirade lertzear

aleginka katazkan, menperatu guraz.

 

Zezenak indar dagi, adarrak atera

gurarik giza-beso koskortsu artetik:

gizonak uzkaili du, burua lurrera

du zezenak ta Lidi lotu da bizirik.

 

Basa-zezen antzeko lerari loturik

neukan nere burua, galtzeko urrean.

Odola ixuririk, Iaun orrek, gaitzetik

atera t'iarri nauzu zeruko bidean.

 

Biarritze'n 1960' gko. Otsailak 3

 

 

 

© Iokin Zaitegi

 


www.susa-literatura.eus