AMAIKAGARREN EGONALDIA
Eskuak eta oinak iltzez egurrari
iosita, gurutzean Iesukristo dager:
aurrez-aurre, neketan lagun, Andre Mari
du, mineran lertuta, lengo Ama eder,
Iesu iltzatuaren oinaze azkarra
ta beraren Amaren atsekabe mina!
Belauniko nagozu, gogoan negarra,
auznarka gizonaren ogenen samina.
Iltzez iosita zauden Iaungoiko-Semea,.
zurekin gurutzean iosita ba'nendi!
Zeure maitasun-iltzez io nere barnea,.,
zakizkit zeru-bide, Golgota'ko mendi!
Gurutzean errege agurtzen zaitugun
lesu, zur(e) inguruan txerrenek birao:
gauden damuz apalik, otoi gau ta egun,
gizonak biur-nairik zeruko abao.
Irakasle altsu ta zeruko Artzaina,
zerorren babesera gizadia betor:
Zuregan baitaukagu ogenen ordaina,
eta Iaungoikoaren biotz errukior.
Biarritze'n 1960
© Iokin Zaitegi