ARTZAIN ONA
Etzaitzaket ikus, gogoko artzaina,
zure ots eztia badantzut ordea:
ematen didazun zerorren larrea
atsegingarri zait, an baitut nai aina.
Ut! bazter dezadan gaiztagin ezaina
iriki didazu zeruko atea:
bertan izango dut zorion betea,
atzeman ba'dezat zure gurutz-gaina.
Ematen baituzu zerorren bizia
nere onerako, lau iltzez iosia:
gurutzean bertan ba'nendi zurekin,
zure artegiko eztiran ardiak
bilduz bat ditezen artzain-artaldeak
ta zure gogoa non-nai egin ledin!
Biarritze'n 1961' gko. Iorrailak 16
© Iokin Zaitegi