GIZA-ERREGE

Ene Iesukristo, Iaungoiko-Semea!

or zakust soineko gorri bat soinean,

arantzaz eginik koroi bat buruan,

seska bat eskuian, giza-erregea.

«Igarri nor duan ire iotzailea»

begiak estaliz galde, arpegian

ioka dabiltzanak zure inguruan ...

or eman zenigun zerorren legea.

Orrelaxe zaitut nire Tabor-mendi:

ixekaz liztuka zarabiltenero

erregetzat zaitut aitortzen emendi..

Oraingoak orain, gerokoak gero

egon bearrean zuretar ba'nendi,

enintzak(e) izango, naizen bezain ero.

Biarritze'n 1961' gko. Aste gurenez

© Iokin Zaitegi