TXANGO

 

Luzaro egon naiz, maian ukondoa,

urratu bearrez buruko burmuina:

ar dezadan beraz basoko lurrina,

nere begietan izak(i) itsasoa.

 

Ozkarbiak zear doakit gogoa

ta zoli deika dut itsaso urdina.

Badantzut txorien txorrotxio-mina,

udalenak musker iantzi du basoa.

 

Iratze gainean luze bezain zabal

etzanda nagoen erritar au bain

doatsuagorik eztezaket azal.

 

Etxera-bidean poza barneraino

eztiki eldu zait, aingeruen egal

-otsak urtu baitit kezka eta laino.

 

1961' gko. Mendekoste astelenez

 

 

 

© Iokin Zaitegi

 


www.susa-literatura.eus