OIU EGIN NAI DUT
Itxasbazterrean koblari zarra
barneko altxorrak ausnartuz nabil.
Arrats-apalean euzkiak murgil
eginda badator ilunabarra.
Agertu daneko goian izarra
banoa etxera bidean ixil:
ikusi-entzunak gogoan pil-pil
su bage diraki, asez bularra.
Oiu egin nai dut biotz-biotzez:
zer ta nolakoa daten nork esan?
Lur zabala zai dut apalik auspez.
Lurrak ekarria zer izango dan
bai, gizonarenik ezin asm (a) aurrez:
zadorra gorderik baitu beregan.
Biarritze'n 19-61-VII-1
© Iokin Zaitegi