ARTZAINARENA
Mendi goi tontorrean
nabilkizu artzai,
goiz-argia sortzean
barrenean aznai:
artazik(a) artaldeak
eguzkitan dirdai,
nere iardun-bearrak
naroa nora-nai.
Zidorrak nire oinok
baditu ezagun,
inguruko auzoak
beti ditut lagun:
aien bizibidea
badazaut zain ta gun;
mendi-basoak gaindik
ikuspegi(a) urrun.
Menditartetik otxan
dakust itsasoa,
poz-argitan dizdizka
izadi osoa:
urren ta urrun dager
ur zilarrezkoa.
Orren antzera ba'nu
bake betikoa!
Atsalde apalean
ozkarbia d(a) izar:
nere biotz barrena
poza dator dardar.
Egunez Iaungoikoa
dizut lagun bakar:
erio-gauak beingoz
egin nau zerutar.
© Iokin Zaitegi