ERBESTEAN ARITZA
Oian zar, beltz, itxuan, Euskadi'tik urrun,
aritz bat arkitu dut sendo, tantai, zurrun.
Ner(e) izangoa dizut beragan ikusi:
bakar, sendo ta garai, erritik igesi.
Alaxe nabilkizu atzerriak zear:
aritzak biotzondo eragin dit azkar.
Aritz-adaburuan usoak iduri
ari da birundaka nere amets txuri.
Buru-apal moztu dut adaxken abarra,
nonbait arindu nairik nere zoritxarra.
Biotz-barren zaitudan ene Aberria!
atzerrin gorbiztu zait barneko zauria.
Enuen aritz on so egin bearrik
zutzaz gomutatzeko, baitzaitut maitenik.
Euskadi baitaramat nerekin barnean.
naiz-ta lurraldez urrun bizi erbestean.
© Iokin Zaitegi