NERE IRRINTZIA
Beti ots bateko eresi zarra
berrituz ari dan olerkari naiz.
Maitasun min batek artu oi nau maiz
ta egan lagun dut aize azkarra.
Bizitzez euskaldun non-naitiarra
Euskadi'ra nator bear dan garaiz:
lurrez lur ibiliz, non-naiko zelaiz
-zelai zar-berria dut deadarra.
Geroak badakar askatasuna
nire abestien otsez beterik,
orixe dukegu euskal-eguna.
Irrintzi dagitzut pozez emendik,
on dakuskezun euskal-laguna,
gure ikurrina goruntz iasorik.
Biarritze'n 1961-VI-24
© Iokin Zaitegi