EUSKADI BERRI

Euskalerri zarra gur(e) Euskadi berri

gerta ledin ari-gaituzu lanean:

bat egin dezagun euskal-mugapean

geranok, berori baitugu Aberri.

Aotan euskera andiki ta erri

erabil dezagun nork bere sailean:

elkarren beteko elkartasunean

bagoaz kantari, barnez udaberri.

Sortu dugun erri onetan lankide

geranok dezagun op(a) askatasuna:

Europa'ko erri gera kidez-kide,

gutarteko nausi biz anaitasuna:

lengoa oinarri, oraingoa bide

egingo baitugu gur(e) etorkizuna.

Baiona'n 1961' gnko. Aberriaren egunean

© Iokin Zaitegi