EREITEN

Azaro betean egun laburra

argitu daneko dator iluna:

ildo berrietan gora lurruna

doa ta izerdiz busti dut lurra.

Urrun dut euzkia, urren, elurra:

gertu dadinean lur zail, astuna,

azia ereiten duket laguna:

inguru dabilkit zaunka txakurra.

Arbasoen landak uzta naroa

dakarke lan ontan iraun ba'neza:

ikus(i)-iduri dut iori soroa,

eztut ikusiko zer daiten eza:

ereiten ari naiz gogoz geroa,

Aberri Euskadi dudan apeza.

Biarritze'n 1961-V-9

© Iokin Zaitegi