Gurutz Sarasola Martinez

«Lotsati»

(Itsasondo, 1915-V-3 / Donostia, 1936-III-22)

        Gurutz Sarasola Martinez, Itsasondon jaio zen 1915eko maiatzaren 3an. Aitaren arbel negozioan aritzeko ikasketak egin zituen: merkataritza eta hizkuntzak. Baina guztiaren gainetik idaztea zuen gustuko. 21 urte betetzerako, 1936ko martxoaren 22an hil zen, «maiteminak jota» bere burua Donostiako burdinazko zubian trenari botata.

        Gazte hil arren, lurrazpitik atera beharrekoa da Lotsati-ren poemagintzaga. El Día egunkari donostiarraren Euskal Gaiak orrian argitaratu zituen poema gehienak 1935eko irailaren 11tik 1936ko urtarrilaren 24ra arte, baina ez guztiak. El Pueblo Vasco egunkarian ere argitaratu zuen poemarik; gehienak aurrez El Día-n argitaratuak, baina ez guztiak.

        Lotsatiren bizitza eta obraren berri gehiago Goierritarra aldizkariaren 3. zenbakian (I-90) eta 1992-11-22an Jon Aranok Egunkarian argitaratutako artikuluan aurki daitezke, baita Iñaki Segurolak Ostiela aldizkariaren 2. zenbakian idatzitakoan ere

* * *

        El Día-n ez da ageri heriotzaren berririk; eskelarik ere ez. Alabaina, garai berean hil ziren Miren Lekube motrikuarrak eta Luistarra azkoitiarrak (biak gazteak eta berri-emaileak «Euskal Gaiak» atalean) hainbat nekrologika merezi izan zuten.

        Itsasondoko hilerrian ez da ageri Gurutzen hilobirik, ez haren izenik ezein hilobitan. Sarasolatarren sepulturak, marmol beltzean, ez dauka izen bakar bat ere.

        Errekuadro txiki batean, El Día-ko «Euskal Gaiak» atalean, 1936ko urtarrilaren 16, 17, 18, 19, 21ean (20a astelehena zen, ez zen egunkaririk argitaratzen). Bere burua hil baino bi hilabete lehenago agertu ziren iragarki hauek. Bere azken poema urtarrilaren 24an agertu zen.