kantauriako itsasoan ura bits

                          bitsa lanbro

bidebietan zakurrak basurdearen zai

eta hainbat azeri pasa ziren

bainan basurdearen zai

ura amaigabeko joan etorrian

auzpeztzen zen zerupean

gogo guztien aurka

zortzi eguneko barauan zirala

esan ziguten

haizea eta ekaitzaren menpe

beste zortzi eta gainetikoak

begiraden izkutuan

itsasoko lanbroa

adiskide bustia zeukala

nahi zuten ura gelditzea

eta haien indarrak

nekea baizik

ez zieten eman

hondarra hondar

zakurra zakur

basurdea

euriteak ez zuen amairik

eta ostopean

euria sendoagoa zen

hotsa handiagoa

murgila itzalagoa

kantauriako itsasoan

bitsa eta lanbroa ur

© Manu Ertzilla