gaur inoiz baino ederragoa

iruditu zait nere hizkuntza

gaur inoiz baino zintzo eta apalagoak

ikusi ditut mendi estaliak

gaur inoiz baino hobe sentitu dut

lanbroaren igurtzia arpegian

gaur bihotz zotinak

arnasa lotu didate

gaur kezkaturik

inoiz baino ergelago

jakin dut besteen artean tinkoak garela

bainan gaur ere ikusi dut

gure aurka jasotako gerla

ikusi dut

gudari beharra

gaur isilean eta luzaroan

negar egin dut

© Manu Ertzilla