Gudariak

Edozein goiz batetan

erori ziran hildakoak.

Ordurarte gizon ziranak,

harrezkeroz heroe.

Ezer ez gero.

Oroitarri batean

kolekzionatu genituenak.

Gure kontzientzia lasaitzeko

heroe ta gure salbatzaile

deklaratu zituztenak.

Bainan ez heriotza altxatu.

Edozein goiz batetan

erori ziran hilda

begi desarmatuak.

Betiko joan diranak.

Agoniaren ixiltasuna zan

goiz guztia.

Ta gero —gizon bat bezalaxe hil dira,

heriotz ondogabe nekatu batean,

gure kontzientziak behera.

© Joxe Azurmendi