Gure poesia zelaiak dira,

txondarren lurruna, sagastiak,

gure bideak haritz artean. Idiak

astiro goldatzen dizkiguten soroan

dago euskal poesia.

Txepetxak kabia urtero egiten duen

zubi koxkorrak, uztarriak

ta argizari-oholak utzi dizkigute

gure poeta esku-langileek.

Gure poemak mailuz eta burniz egin ditugu,

Bilbo-n, Eibar-en, basoan, oletan,

edo itsasoan idatzi ziren.

Gure obrak dira euskal poesia.

III

© Joxe Azurmendi