Bizitza behera

Uberkak darama

bide jakin bat

uberka behera,

harriak behera,

zelaiak behera.

Zumarraren itzala behera

bide jakin bat eta

beharrezkoa.

Jainkoaren behatzetatik

askatzen doan

fatuaren hari

bezala.

Bideren batetik behera.

Ezin konpreniturik

begiratzen genuen

umeak ispiluan bezala.

Doa gure bizitza norabait

hain xinple ta erraz

labaintzen xehe

urteak behera...

Axolagabeki

bihotzak behera

hotsik egin gabe

edurra kristal ostean bezala.

Bide jakin bat

segitzen noiznahi norabait

denpora behera.

III

© Joxe Azurmendi