Bakardade

Bakarrik nago nire fedean,

eguzki bat bezala,

argi ilun bat darion eguzki bat bezala,

eguzki itzali bat bezala.

Bakarrik nago nire esperantzan,

semeek abandonaturiko

aita bakarrik dagon bezala

heriotzaren zai

eta heriotza geldi dator, bakar bakarrik

harri bat nunahi bezala.

Bakarrik nire maitasunean.

Hildako bat ez bezala,

gizon dorre belar desirkunde galdu

ezer ez bezala

bakar bakar bakarrik.

© Joxe Azurmendi