Bergmann-en giroz

Jaungoikoa... Nahigabean begiak jasoaz

hodeietan asmatua ez,

nekearen lurra gogortzen duena.

Ameraun bat horma-erlojuan, Jainkoa.

(Heriotzeak betetzen du lurra.

Haizea, ura, arbolak,

menturaz maitasuna).

Zergatik antsiarik

Jainkorik ez bada?

Zertako etxerik ez denean

ateak?

Zerk josten du

pauso bakoitza hurrengoari,

joateak sentidurik izan dezan?

Amesezkoa ez,

gure ibiltzea

eusten duen harri, Jainkoa.

III

© Joxe Azurmendi