Bildur nuen heriotza.

Bai, Axular, bildur natzaiok

hutsa ote danezko beste aldeari.

Joana ur joana duk,

ta uste gabeko jokoan

heriotza gaituk apostatzen ari,

denok galtzaile gertatzeko.

Jokoa ez duk errenta!

Amesa ez duk museko

errege bat eskuan besterik.

Ames, ames eroak,

bizitzaren ihesi

enbido heriotzari botatzeko.

Bildur diat heriotza,

ta ezin asma diat

nola bizitza erantzi.

III

© Joxe Azurmendi