Bizitza, zorteak eskuotan

jarri zigun bitxia.

Umeak ez zekien zertako ziteken,

bainan ederra baitzen.

Gaur ordea, ez da eder ere

ta ez dakigu oraino zertako den.

Diztira triste bat,

bildurgarri galtzeko,

eusteko mingarri.

Zergatik jakin gabe,

ez bagenu nahiago:

ta ez-izango delako

larritzen gera.

Oi, gu zorook!

Ez bagenu

ez ez-izan ez nahita

gabiltza beti

arroda absurdoan iraulika,

galderari galderaz erantzun nahirik.

III

© Joxe Azurmendi