Doazen lainoak

norbaiti interesatzen zaizkio.

Soroak, zelaiak.

Edozer gauzak duke,

arbolaok, aulki hau,

gogoratzen duana.

Denak bizi dira.

(Naturaleza geldi dago,

haizeak damaion higiduraren arren edo gatik

beti geldi. Hostoak

geldi, euria.

Ikaragarrizko geldi egote zerbait daukate

iturri geldi ezinek).

Betiko joatea guretzat.

Inork ikusiko duen antsiaz

esku bat gerrian-eta

larri asko

horma busti duen mutikoak

utzi du zerbait munduan.

Parke zaiari ez bada

zakurren bati, apika, interesatuko zaio.

Bainan gure pentsamentu hau

al zaio inori interesatuko?

II

© Joxe Azurmendi