Zutik eta bilois.

 

Zure ilea

zugandik ihesi.

 

Hondartzan,

uretan,

haizetan.

 

Algara bat

zugandik ihesi.

 

Bilois

eta eder,

busti, lizun.

 

Zutik, zutik,

eta bakarrik,

zeunden, zeugandik

ihesi.

 

Eta ni, ur-ertzean,

parrezka, parrea bustitzen

zuen zoramenez,

begira.

Ez nuen ikusi nola

zutik,

bakarrik eta bilois

ta eder,

joan zinan, parre algaraz,

betiko ihesi,

zure haragi zuria jasota.

 

II

 

 

© Joxe Azurmendi

 

 

"Joxe Azurmendi / Hitz berdeak" orrialde nagusia