Pinu bakarti bat daukakit

erriberan

denporaren itsasoak.

Haizeak astiro

daragien pinu iluna

hondarretan.

Goizaldeko ilargiak

loratzen ote du

olatutxoen hots bustia?

Pinu zaharraren fantasma luzea

lotan dago, zutik.

Nekeaz nekaturik

pinupean jarrita bihotzetik

arima ateratzen denean

urruntasunera,

begiratu luze batean,

ze pake lasaia!

Ta euri danean zeharka

itsas ertzeko pinuaren itzaletan!

Galduta dabil

pinuaren ego beltza

eragiten duen

haize iluna

denporaren atarian.

II

© Joxe Azurmendi