Argia geldi dago,

arratsak jan du gaua.

Zenbait argi!

Argi honek, ordea,

ez du arimako ilunik

argitzen.

Sankarihaudat-eko gau

ezin itxia,

Sankarihaudat-eko orduak,

argi gehiagoren

esperantzarik eza!

Hietaniemenkatu-n

umeak loreak

zeramazten kanposantura.

Handikago, itsasoaren

muga itxia.

(Hilak hil dituzute zuek!)

Nire sentimentuok

uretan abandonatuta,

ez zen ura mogitu.

Loreak zeramazten, orlegiak,

inun ez dedin erne

esperantza.

II

© Joxe Azurmendi