Porta San Giovanni

Ezin dut ezer ikusi

bainan argiek liluratzen naute.

Donibane Ate-ko gau argiek.

Begiok ixten ditut.

Hobe dela ezer ez jakin

pentsatzen dut, pentsatu edo...

Deusez ikusi,

ta aulkietan exeri

arima nekatua,

nire bizitzaren ondoan

bakardadez egoteko.

Gozoa dela ihes egitea

munduari, gozoa batez ere

ihes egitea norberari,

ta oro ahaztea

lo bigun batean.

Ezer axolagarri bakarra,

agian, orbelak

antsikabeki adarretatik

erortzen

ikustea

da,

begiak altxatu gabe,

parkean jarrita.

III

© Joxe Azurmendi