Piazza del Popolo

Ez didak ezer esaten niri

goi bare horrek?

Zeru kolore-galdu papelezkoan

atseden leun aurkitzen dut,

ez antsiarik.

Ez da Jainkorik agiri.

Lagunen hitzek ez dute

nire pentsamentuan lekurik.

Kale ilunagoak nahi dituzte

neskatxekin doazenak,

eliz ondotik pasatzen dira.

Bainan niretzat, ez dago ezer.

Zeru honen ederrak

San Agustini esandako hitzek

kafe katilutxo hau ere

ezin dute bete.

Ta hari noizpait bihotza.

II

© Joxe Azurmendi