Eskuak

Argia debekatu zaigu.

Poza, itxaropena

ta argia debekatu.

Pobreak gera-ta...

Arratsaldean euri egiten du

euskal mendi saihetsetan.

Pobreak gera-ta

ez dago aterperik guretzat,

debekatu zaigu ateria.

Askatasuna debekatu zaigu

kostako haize leunak

alamerako neskatxen ilea,

ikurrin moduan,

askatzen duelarik.

Hamar dirade mandamentuak

ta hamaika bai

pobrearen nahigabeak.

Debekatu zaigu

gizon izatea

ta kitto.

II

© Joxe Azurmendi