Juan Ramon

Felpazko muineka bat zen.

Eskuetan hartu nuenean

dena bigundu zen,

eta begiak jiratu.

Ez zuen hezurrik.

Gomazko muineka bat zen.

Eskuetan hartzean

intziri bat atera nion

zilborretik...

ate zahar batek bezala.

Muineka bat zen.

Felpazkoa ez baino,

gomazkoa ez baino,

banalkeriazkoa.

Ta hartu nuen,

eta errekara bota nuen

Juan Ramon

hor konpon.

Ta beste kantu bat.

III

© Joxe Azurmendi