Ilunabar geldian

iturrira bidean,

zoriontsu naizela

kontatuko dute

neskatxa gazteak.

«Mintzaira du gozo,

alegera oso,

pozaren gehiegia

nunahitik dario».

Ai! esana!...

Uraren pitxarrean

gezurra dute eramango.

Ugatsako neskatxak

ez dakite asko

nire poz hostopean,

zahar ta luzaro,

ezkutatzen dudan

samin aspaldiko.

Nire samin zaharra

ez baitu egundo

inork somatuko.

Igande goizean

tertulia betean

herriko emazteak

mita ta bat eratan

zoriontsu naizela

zin egingo dute,

elizaren atean.

Amak, etxeratzean,

anaiak galdetzean

nik eman berriak.

Amak, erantzutean,

zoriontsu naizela,

erantzungo die

nire bizi moldeko

desterru gaitz hontan.

Narziso nun dagoneko-gabe hau,

halare, hala ta guztiz ere,

bainan, eta beti, trixte-trixte dago.

I

© Joxe Azurmendi