Ta orain gau da,

gau heriozkoa.

Nun zaudete zuek,

euskaldun hilak.

Baso ertzeko bidez

—hilobi baten peitu—

eusko izan hobena

garbitzen,

urtezko gabetan

erromes,

lurpe baten

pakea galdurik?

Atzoko gudariak.

Zein mezu astun dakarte

hodeiek, baldarki

zeruan nahasturik datozenean,

zein mezu beltz

euskal herriari?

Ta eusko adarra

bidean erorita,

jaso dezan gudari

bulartsu berriaren

zain dago,

urtez baino penaz

hiltzenago.

I

© Joxe Azurmendi