Pago zaharraren hondarra

aspaldian da logale.

(Aizkolariek, neguak

guztiz bilois utzi dute).

Azal goroldioarekin

ederra ostu diote.

Pago zaharraren hondarrak

goroldiorikan gabe,

ez du nahi izan eguzki

ta ez du nahi izan lore.

Egun lez nahi du jarraitu

ez bizitza t'ez kolore.

Pago zaharraren hondarrak

eguzki beltza nahi luke.

Ez txoririk, ez kabirik,

txingorririk ere gabe.

(Bizitza ihesi doa

beheko iturrian triste).

Pago zaharraren hondarrak

eguzki beltza nahi luke,

eguzki beltza nahi luke ta

lehenbaitlehen usteldu ere.

I

© Joxe Azurmendi