Pagoak ez du atseginikan

bere penaren ohean.

Bakar bakarrik egon baitago

hainbat pagoren artean,

eremu grinak zurintzen du-ta

zur sendoaren barnean.

Zertako balio dio hari

pago jaio eta jaiki?

Zertako pago indartsu jaio

loreak lez hil baledi?

Nahiago luke (nahiago dut bai)

sekula santan ez bizi.

Hil behar garratz sentimen honek

malko latzik lehertu dio,

hosto guztien begi berdetan

udaberriko goizero.

Halabeharra, pagoak duen

fedearen argudio.

Zuztar minetan bihurritzen du

desesperoen betia...

Pago sendoak ezin du ulertu

heriotzezko zoria.

Madarikatzen du mila bider

heriotzezko bizia.

I

© Joxe Azurmendi