Estronio-90a
Varsovia, 1958-03-16
Eguraldia xelebretu egin da:
eguzkia, euria, elurra.
Entsegu atomikoengatik da, esaten zaigu.
Estronio-90a ari du, diote
belar, haragi, esne
esperantzaren gainean, askatasunaren,
nostalgia handiaren gainean non guk atea jotzen dugun.
Geure buruaren kontrako lasterketa eroan gabiltza, arrosa nirea.
Ala bizitza daramagu hildako izarretaraino
ala heriotza jausiko da zerutik gure mundu gainera
© Nazim Hikmet
© itzulpenarena: Iņigo Aranbarri