LIBERTATEAREN ALDEKO
GERRAREN EPOPEIATIK HARTUA

Lurreko zinaurriek,

itsasoko arrainak

eta aireko hegaztinak

baino

ugariagoak

dira

bildurtiak,

balentak,

enoranteak,

jakintsuak

eta haurrak:

kreatu eta maradikatzen dutenak!

Haien hazañetan hartzen du bere lekua epopeia honek.

Traidorearen maltzurkeriak enganaturik,

esku artean duten bandera lurrera erortzen utzi

eta etxera ihes egiteagatik

gatazka-lekua etsaiari entregatzen diotenak,

hala ere gaiztoari ganibeta sartzen diotenak,

arbola hezearen antzean barre

eta desorduan negar egiten dutenak,

irainik itsusienak esaten dituztenak,

haien hazañetan hartzen du bere lekua epopeia honek.

Burdinaren,

ikatzaren,

axukrearen,

kobre gorriaren,

ehunen

eta industri klase guztien,

amodioaren,

oker-bidearen

eta bizitzaren,

zeruaren,

eremuaren

eta itsaso urdinaren,

ibaietako erreka tristeen

eta lur goldatuen

zoria,

edozein oilarite batekin alda ahal diteke.

Halako oilarite batean,

haik

here esku igortzirinatsu eta pisuak

lurraren gainean ifini

eta jaiki eginen dira.

Haiek mirailik jakintsuenetan

irudirik koloretsuenak ematen dituzte.

Azken ehun urte hauetan,

garaileak eta garaituak

izan dira.

Elkarri anitz hitz egin zioten,

eta haien gatik esanda dago:

«Ez dute ezer galtzekorik,

bere kateak baizik!»

© Nazim Hikmet

© itzulpenarena: Gabriel Aresti