Bei zarren bertsuak
K.
Komedi-tokia da
gure okollua;
Beiak adarrak dantzan,
ta ik akullua.
Bi alditan or abil,
mutil kankallua,
eznez bete eziņik
eure kalillua.
Im.
Ni baņo geiago dok
Bei zar au indarrez,
ostikoka eiten yok,
gaņera adarrez.
Eznerik ezin kendu
ta ik ortik barrez.
Pazientzia artzen
Etxauk errez errez!
K.
Eznia zelan batu
etxeko danentzat
eskatzian euki dok
plana bestientzat.
Orain, neure ustian
palta dok euretzat.
Ori dok etxuria
mutil gaztientzat!
Im.
Matusalen baņo be
zarrago dan beia,
trabes iminten yausiak
gaur neuri begia.
Askan ixanagaitik
naiko janaria,
atzeko ostikua
dauko dantzaria.
K.
Bi alditan asi az
eznia batzian,
bietan katillua
dok erdi utsian.
I baņo abillaurik
ezpadok eltzian,
dantzan eingo yok orrek
okollu ertzian.
Im.
Argimutil on barik
postien onduan
ator ikusitzera
zer moduz naguan,
Urreratu ezpanintz
askoz obe neuan.
Ostikuaz yo naiok
belaunen buruan.
K.
Ezne batzen asi az
arro eta maņez
iņori burletako
uste ta alegiņez.
I az mutil abilla
bakarrik mingaņez,
bei zarren ostikuak
eraiteko iņes.
Im.
Barriketia beintzat
ik bai dok naikua.
Euk eratzi nai badok
emen yauk lekua;
eruan ezketiņo
errora eskua,
adarrak dantzan dabiltz,
zoli ostikua.
K.
Nun nai erakusten dok
abillaren antza;
eznia batzen barriz,
aparteko gatza;
bizkor eta garbiro
neurria gorantza,
amak bayaukak laster
pitxer aberatsa.
Im.
Seguruan agola
Gaur edozer diņok,
baņa "neuk eratzikot"
alan bere eztiņok;
zikintzeko bildurrez
esku guri piņok,
euk adarra jo eta
lana barriz, iņok.
K.
Mutillen piņezia
orraitik andiok
eznez janaritzeko
etxeko guztiok.
Gaņezka jarri ditu
dirian ontziok.
Lar kendu barik, mutil,
apur bat itxiok!
Im.
Gaztiak ezin leike
ezer zarrarekin:
ernegau erein daustak
gaur eure koplakin.
Banayuak katillu
ta pitxarrarekin.
Ixiltzera nayuak:
euk, nai badok, ekin.
(Anai gaztienak, Jagobak, eskatzetik:)
Lau bertsolari dagoz
Jauriko etxian:
bat askan ta bi kortan,
bestia eskatzian.
Bi abillenak dabiltz
eznia batzian.
Eznezko aparirik
eztau arratsian...
(1902)
|