VIIIgarren Somaketa
Artola, R.
Bata da paletan
maiz irakurriya,
bata eta biya,
eskuko neurriya;
bai eta ere da
urkitutzen era,
iñoiz jatekoa
bizirikan bera;
iruba ta lauba
dago alzaiduban,
arkitzen da ere
urrezko diruban;
nintzalako egin
bein beraren jabe
geldituba nago
baliyorik gabe;
iruba ta biya
asko ez da ona
urriki det ontaz
betia da gona;
bata eta biya
segiruban lauba,
gustora jartzeko
sabela ta auba;
au bera da iñoiz
plazan sartzen banaiz
ikusten detana
partidubetan maiz;
bata eta lauba
gure probinziyan,
dago uri chori
chiki bat mendiyan;
ausen bera da guk
jan izan deguna,
ezurrik ez duben
gauza guri ona;
pistu ezkeroztik
onembeste argi,
ikusi liteke
noski zer dan garbi;
alaz era ongi
ikusten ezpada,
beste argi bide
bai oraindik bada;
billa zazu zer dan
indarrik onena,
eta anchen dezu
arkituko dena.
|